„იაგუარ ლენდ როვერი“ წარმოებისთვის რამდენიმე ახალ მოდელს ამზადებს და არაოფიციალური ინფორმაციის შესაბამისად, მათგან ერთ-ერთი, პატარა „დეფენდერია“. ეს ლოგიკურია, რადგან კომპანია ახალ „დეფენდერზე“ შეკვეთებს ვერ აუდის და უფრო პატარა და შესაბამისად, ხელმისაწვდომი ავტომობილი, გაყიდვებს კიდევ უფრო გაზრდის.
„ლენდ როვერის“ სპეციალური ავტომობილების ოპერაციების ტექნიკურმა ცენტრმა, თავის ლუქს მოდელ „რეინჯ როვერ SVავტობაიოგრაფის“ ორი ახალი ექსკლუზიური ვერსია - „SVავტობაიოგრაფი ალტიმეიტ“ (SVAutobiography Ultimate) და „SVავტობაიოგრაფი დაინემიკ ალტიმეიტ“ (SVAutobiography Dynamic Ultimate) შეიმუშავა.
„იაგუარ ლენდ როვერს“ თავის ახალ „დეფენდერზე“ შეკვეთების დაკმაყოფილება უჭირს. ამას ორი მიზეზი აქვს. ერთია ავტომობილზე სოლიდური მოთხოვნა, მეორე კი მსოფლიო ბაზარზე ნახევარგამტარების მიწოდების კრიზისი, რომელმაც საავტომობილო წარმოება ძლიერ შეაფერხა.
2021 სამოდელო წლისთვის განახლებული „იაგუარ E-პეისი“, ახალი ტექნოლოგიებით აღიჭურვა და ვერსია „R-დაინემიკ ბლექ ედიშენით“ შეივსო, რომელიც „R-დაინემიკ S-ზეა“ ბაზირებული და ბრიტანულ ბაზარზე უკვე იყიდება.
კონკურს წლის საუკეთესო ავტომობილის ჟიურიმ, 2021 წლის საუკეთესო დიზაინის ტიტული „ლენდ როვერ დეფენდერს“ მიანიჭა. ეს მესამე შემთხვევაა, როდესაც „ლენდ როვერის“ ავტომობილები, წლის დიზაინის კონკურსში იმარჯვებენ. 2012 წელს ეს ჯილდო „რეინჯ როვერ ევოუკმა“ მიიღო, 2018 წელს კი აღიარება „რეინჯ როვერ ველარმა“ დაიმსახურა.
„იაგუარმა“ თავისი პირველი სერიული ელექტრომობილი, ქროსოვერი „იაგუარ I-პეისი“ განაახლა და მისი ოჯახი ახალი წევრით, „I-პეის ბლექით“ შეავსო. ახალი ავტომობილი მოდელ HSE-ზეა ბაზირებული და სტანდარტულ ეკიპირებაში დაკომპლექტებულია ისეთი დეტალებუთ და ფუნქციებით, რომლებიც S, SE, და HSE ვერსიებისთვის, მხოლოდ ოპციურ შეთავაზებებშია.
„ლენდ როვერმ“ და კოსმოსური ტურიზმის კომპანია „ვირჯინ გალაქტიკმა“ თანამშრომლობა 2024 წლამდე გააგრძელეს. მათი ამ გადაწყვეტილების გამოცხადება კი, „ვირჯინ გალაქტიკის“ ახალი კოსმოსური ხომალდის წარდგენას დაემთხვა. ხომალდი ანგარიდან „რეინჯ როვერის“ სპეციალურმა ვერსიამ, „რეინჯ როვერ ასტრონავტ ედიშენმა“ გამოიყვანა.
„ლენდ როვერ კლასიკი“ შეზღუდული რაოდენობით გამოუშვებს „დეფენდერ ვორკს V8 ტროფის“, რომელიც გარეგნობით და ფერით, ლეგენდარულ „ქემელ ტროფის“ მონაწილე „ლენდ როვერებს“ გაგახსენებთ. სულ 25 ცალი ასეთი ავტომობილი დამზადდება, რომლებზეც შეკვეთები უკვე მიღებულია. ყოველ მყიდველს, ისტნორის (ინგლისი) ციხესიმაგრის სიახლოვეს ორგანიზებულ ოფ-როუდის რეიდში მონაწილეობის უფლებაც მიენიჭება.
„ლენდ როვერ დეფენდერს“ ახალი ფლაგმანი ვერსია გამოუჩნდა. ის აღჭურვილია V8 ძრავით, რომელსაც მექანიკური დამჭირხნი ემსახურება. ესაა 5.0-ლიტრიანი აგრეგატი, რომელიც 518 ცხენის ძალას და 625 ნიუტონმეტრს გამოიმუშავებს. ასეთი მონაცემები კი საკმარისია იმისათვის, რომ „დეფენდერ 90-მა“ 100 კმ/სთ სიჩქარეს 5.2 წამში მიაღწიოს. მაქსიმალური სიჩქარე კი 240 კმ/სთ-ია.
„იაგუარ ლენდ როვერმა“ შეიმუშავა და ლაბორატორიულად ცდის ახალ ტექნოლოგიას, რომლის დანიშნულებაც, სალონის ჰაერის გაწმენდაა. ტესტებმა აჩვენა, რომ მისი მეშვეობით, სალონში ვირუსების და ბაქტერიების 97 განადგურდა.
„ლენდ როვერის“ გადაწყვიტილებით, ახალი „დეფენდერის“ შვიდი ეგზემპლარი საქველმოქმედო ორგანიზაციებს გადაეცემა. დევიზ „უფრო მაღლა და საზღვრებს მიღმა“ ფარგლებში, ბრიტანულმა კომპანიამ შეიმუშავა სპეციალური პროგრამა, რომლის მეშვეობითაც, სხვადასხვა სფეროში მომუშავე შვიდ ამერიკულ საქველმოქმედო ორგანიზაციას შეარჩევს და მათ თითო „დეფენდერს“ გადასცემს.
2021 წლის ქალთა წლის ავტომობილის (WWCOTY) სტატუსი „ლენდ როვერის“ ახალ „დეფენდერს“ მიენიჭა. კონკურსის ჟიურიში მსოფლიოს 38 ქვეყნის 50 ქალი საავტომობილო ჟურნალისტი შედიოდა.
„იაგუარ ლენდ როვერი“ იმ ნოვატორულ კვლევებში მონაწილეობს, რომელთა მიზანიც, მსუბუქი მასალების შესაძლებლობების გამოცდა და საავტომობილო მრეწველობაში მათი დანერგვაა.
