„იაგუარ XE“ - უფრო სპორტული და ტექნიკურად დახვეწილი

„იაგუარმა“ თავისი პოპულარული სედანი XE განაახლა, რომელიც უფრო სპორტული იერითაც გამოირჩევა და უახლესი ტექნოლოგიებითაც არის აღჭურვილი. მათ შორისაა მთლიანად შუქდიოდური ფარები წინაც და უკანაც, ასევე ელექტრომობილ „I-პეისზე“ გამოყენებული ტექნოლოგიები. სამაგიეროდ, შეთხელდა ძრავების გამა.

„ლენდ როვერის“ უარი ექსკლუზიურ მოდელებს

ექსკლუზიური „რეინჯ როვერ SV კუპესა“ და „დისქავერი SVX-ზე“ უარის თქმა იმის მანიშნებელია, რომ „ლენდ როვერი“ აქცენტს მასობრივ ავტომობილებზე გადაიტანს, რომლების დახმარებითაც, გაყიდვების მოცულობის გაზრდას შეძლებს. მათ შორის, უახლეს „დიფენდერზე“, რომელსაც პირველად წელს ვიხილავთ.

„ევოუკი“ კვლავ „ლენდ როვერის“ მთავარი პროდუქტია

ბაზარზე გამოსვლის დღიდან მოყოლებული, „რეინჯ როვერ ევოუკი“ „ლენდ როვერის“ ყველაზე გაყიდვადი ავტომობილია. და ამ სტატუსს მისი მეორე თაობაც შეინარჩუნებს, რომელიც ევროპული დებიუტის შემდეგ, უკვე ამერიკასაც ეწვია და მალე ინდოეთის და ჩინეთის ბაზრებზეც შევა.

„ლენდ როვერის“ პლაგ-ინ ჰიბრიდები

ელექტრიფიცირებული ავტომობილები მთელს მსოფლიოში სულ უფრო პოპულარული ხდება. განსაკუთრებით კარგად ჰიბრიდები იყიდება, რომლებიც ელექტრომობილებისა და შიდაწვისძრავიანი ავტომობილების ერთგვარი კომპრომისული ვარიანტია. კომპანიებისთვის ჰიბრიდებს სხვა მნიშვნელობაც აქვს - მათი მეშვეობით, შესაძლებელი ხდება მათ მიერ წარმოებული ავტომობილების გამონაბოლქვში, ნახშირორჟანგის საშუალო შემცველობის შემცირება.

ახალი „რეინჯ როვერ ევოუკი“ ღირებულებას „ფერარივით“ ინარჩუნებს

ავტომობილების ნარჩენი ღირებულების შემფასებელი ბრიტანულ კომპანია CAP HPI, მეორე თაობის „რეინჯ როვერ ევოუკს“ მაღალ შეფასებას აძლევს. კომპანიის შეფასებით, ამ ავტომობილის ტოპ ვერსიის ნარჩენი ღირებულება, სამი წლის შემდეგაც კი 67 პროცენტი იქნება.

„იაგუარ ლენდ როვერმა“ ახალი ექვსცილინდრიანი ერთრიგა ძრავი შეიმუშავა

„იაგუარ ლენდ როვერმა“ სერია ინჯენიუმის ძრავების ოჯახი კიდევ ერთი, უახლესი აგრეგატით შეავსო. ესაა ბენზინის ექვსცილინდრიანი ერთრიგა 3.0-ლიტრიანი ძრავი, რომელსაც ბრიტანული კომპანია თავის ვულვერჰემპტონის ძრავების ქარხანაში გამოუშვებს.

„რეინჯ როვერ სპორტ HST“ მსუბუქ ჰიბრიდული აგრეგატით

„იაგუარ ლენდ როვერმა“ ახალი, მსუბუქ ჰიბრიდული აგრეგატი შეიმუშავა, რომლითაც პირველად „რეინჯ როვერ სპორტის“ ვერსია HST აღჭურვა. ახალი აგრეგატის ძირითადი ნაწილია სრულიად ახალი, სერია ინჯენიუმის 3.0-ლიტრიანი ექვსცილინდრიანი ერთრიგა ძრავი, რომელიც 395 ცხენის ძალას და 550 ნიუტონმეტრს გამოიმუშავებს.

„იაგუარ ლენდ როვერმა“ 2018/2019 ფინანსური წლის მესამე კვარტლის შედეგები გამოაქვეყნა

„იაგუარ ლენდ როვერმა“ 2018/2019 ფინანსური წლის (რომელიც დეკემბერში დასრულდა) მესამე კვარტლის შედეგები გამოაქვეყნა. აღნიშნულ სამთვიან პერიოდში, კომპანიამ 144 602 ავტომობილი გაჰყიდა. შედარებისთვის, წინა ფინანსური წლის იმავე პერიოდში, გაყიდვების მოცულობა 154 447 ავტომობილი იყო.

რეინჯ როვერ ველარ SVავტობაიოგრაფი დაინემიკ

„ლენდ როვერმა“ თავის პოპულარულ მოდელ „რეინჯ როვერ ველარის“ ლუქს ვერსია - „ველარ SVავტობაიოგრაფი დაინემიკ“ შეიმუშავა, რომელსაც შეზღუდული რაოდენობით გამოუშვებს. ახალი ავტომობილი კომპანიის სპეციალური ავტომობილების შტომ (SVO) მოამზადა. ის 5.0-ლიტრიანი V8 კომპრესორიანი ძრავით აღიჭურვა, დაიხვეწა საკიდარი და საჭის სისტემა.

„იაგუარმა“ XF-ის სპეც ვერსია გამოუშვა

„იაგუარმა“ თავის პოპულარულ მოდელ XF-ს ახალი ექსკლუზიური ვერსია - „XF ჩეკერედ ფლაგ“ შეიმუშავა, რომელსაც მყიდველს სედანის და უნივერსალის ძარიანი ვარიანტების მყიდველს შესთავაზებს. ახალი ვერსია ექსტერიერის უნიკალური ელემენტებით და ტექნიკური სრულყოფით გამოირჩევა.