ახალი „დეფენდერი“ გამოცემა „ტოპ გიარმა“ წლის ავტომობილად დაასახელა

პოპულარულმა გამოცემა „ტოპ გიარმა“, „ლენდ როვერის“ ახალი „დეფენდერი“ წლის საუკეთესო ავტომობილად დაასახელა. გარდა ამისა, მასვე მიანიჭა სპეციალური ჯილდო „შეუჩერებელი ძალა“. გარდა ამისა, გამოცემამ და „ლენდ როვერმა“, ახალი „დეფენდერის“ გამძლეობის სადემონსტრაციოდ, სახელდახელო ტესტი ჩაატარეს.

ტესტის დროს, 60 მეტრის სიმაღლის ამწეზე, ერთმანეთის მიმდევრობით, სამი სტანდარტული „დეფენდერი“ დაკიდეს, რითაც ავტომობილის მზიდი სტრუქტურის სიმტკიცე და გამძლეობა, სხვა კუთხითაც დაგვანახეს. ცნობისათვის, ახალ „დეფენდერს“ უმძიმესი ტესტები, ყველანაირ კლიმატურ პირობებში, ყველა ტიპის გზასა და უგზოობაში აქვს გავლილი.

კონკურსის შემფასებლებმა, ახალი „დეფენდერი“ პირველ რიგში დააფასეს იმის გამო, რომ ეს არის „ლენდ როვერის“ ლეგენდარული მოდელის ღირსეული შთამომავალი. ეს არის 21-ე საუკუნის ავტომობილი, რომელიც ერთნაირად შესანიშნავია როგორც კარგ გზებზე, ისე გაუვალ ადგილებში და ყველგან, სადაც გაივლის.

„ჩვენ ის ნამიბიის უდაბნოში ვმართეთ, ჩვენს პლანეტაზე ერთ-ერთ ურთულეს ადგილას. გამოვცადთ 110 და 90-ის ვერსიები ყველა ტიპის ძრავით. და მინდა ვთქვა, რომ ყველგან შესანიშნავად მუშაობდა. გამოითქვა მოსაზრება, რომ რადგან საკმაოდ ძვირად ფასობს, მისი გამოყენება სოფლად და ფერმერულ საქმიანობაში არ ღირს. მაგრამ ეს არ ნიშნავს, რომ მას იქ არ შეუძლია. ეს არის მტკიცე, ბევრის შემძლე ყველგანმავალი, რომელიც კი ოდესმე გამოგვიცდია. და ამასთან, არის დახვეწილი, კარგად ეკიპირებული საოჯახო ავტომობილი ქალაქისთვისაც. ვულოცავთ ლენდ როვერს“, - ამბობს ჟურნალ „ტოპ გიარის“ რედაქტორი ჯეკ რიქსი.