24 სექტემბერი.
„იაგუარ რეისინგმა“ ფორმულა E-ს მომავალი
სეზონისთვის კონტრაქტი ნელსონ პიკე უმცროსთან გააფორმა. ფორმულა 1-ში მსოფლიოს
სამგზის ჩემპიონის, ნელსონ პიკეს შვილი და ფ1-ის ყოფილი პილოტი, რომელსაც ხშირად
ნელსინიოდ მოიხსენიებენ, ფორმულა E-ს პირველი ჩემპიონია (2015 წელს).
გარდა ამისა, ფორმულა 1-ში მეორე ადგილი აქვს
დაკავებული გერმანიის 2008 წლის დიდ პრიზზე, გახდა ბრიტანეთის ფორმულა 3-ის
ჩემპიონი (2004 წელს) და ასევე ნასქარ-ის რამდნმე რბოლა აქვს მოგებული.
ელექტრუნული ფორმულების სერიის პირველ ჩემპიონატში გამარჯვების შემდეგ, ნელსინიო
იმავე გუნდ NEXTEV-ში გამოდიოდა, რომელთან ერთადაც პირველი სეზონი მოიგო. თუმცა
მომავალი სეზონიდან „იაგუარის“ გუნდის წევრი იქნება.
პიკესთან ერთად, „იაგუარის“ გუნდში ახალზელანდიელი
მიჩ ევანსიც იასპარეზებს, რომელსაც GP3-ის სერია აქვს მოგებული (2012 წელს) და ამ
სეზონში ფორმულა E-ს საუკეთესო ახალბედა გახდა. „იაგუარის“ გუნდში ის მუდმივად
სჯობდა თანაგუნდელ ადამ ქეროლს, რომელსაც პიკე შეცვლის.
No comments:
Post a Comment